Showing posts with label ஈழம். Show all posts
Showing posts with label ஈழம். Show all posts

Thursday, January 07, 2016

தோற்றப்பிழை உருவாக்கி -கருணாநிதி

வாழும் அரசியல் சாணக்கியர் கருணாநிதி, தேர்தலுக்கு முன்னதாகவே, தானும் தனது கட்சியான திராவிட முன்னேற்றக்கழகமும் மிக மோசமாக தோற்கப் போகிறோம் என்று தெரிய வரும் போது ஆளும் கட்சி ஜெயிக்கும் ஆனால் அது பெரிய வெற்றியாக இருக்காது என்ற மாயையை உருவாக்குவதும், போட்டி சம நிலையில் இருப்பதான சமயங்களில் தமக்கு ஒரு மாபெரும் ஆதரவு அலை வீசுவதாகவும்,   ஊடகங்களைக் கைக்கொண்டு தொடர்ந்து பொய் செய்திகளை வெளியிடுவது என்பது ஜெயிக்கப் போகும் சீட்டுக்களின் எண்ணிக்கையை உயர்த்திக் கொள்வதற்கானதொரு உத்தியேயன்றி உண்மை நிலவரமல்ல.

இந்த குயுக்தியை கருணாநிதியும் அவரின் திராவிட முன்னேற்றக்கழகத்தின் சமூகவலைத்தள பிரமுகர்களும்,தொடர்ந்து ஒரு பொய்யான மாயக்கருத்தை தொடர் பரப்புரை செய்து வருவதினால் மக்களை ஒரு ஆழ்மன குழப்ப நிலைக்குள் தள்ளி அக்குழம்பிய குட்டையில் ஓட்டுப்பொருக்கலாம் என்று திடமாக நம்புகிறார்கள்.

தமிழக அரசியலை உற்று நோக்கி ஓரளவிற்க்கு அரசியல் கள நிலவரங்களை சரியாக கணிக்கும் அரசியல் பார்வையாளர்களை கூட இக்குழப்பத்தில் தள்ளி ஏதோ ஆளும் கட்சி மிக மோசமானதொரு தோல்வியை சந்திக்க இருப்பது போல் எண்ண வைப்பதில் கருணாநிதியின் அரசியல் சாதுரியம் சாபாஷ் போட வைக்கும்.

ஆளும் கட்சியின் பலவீனங்களை சாதகமாக்கிக்கொண்டு அதன் மூலம் கூட்டணி பேரம் பேசி, இதயத்தில் இடமளித்து தனது குடும்பத்தினரின் அதிகார விஸ்தரிப்புசெய்வதில் நிபுணத்துவம் பெற்றவர் கருணாநிதி.

இதைத்தான் தனது கழக உடன்பிறப்புகளுக்கும், தமது ஊடக உடன்பிறப்புகளான விகடன் குழுமம், ஒன் இந்தியா குழுமம் போன்றவைகளுக்கும் சொல்லிக்கொடுத்து இருக்கிறார் போல,

ஈழத்தைக்கொன்று, திராவிடக்கொள்கையை அழித்து, 2ஜியை மறைத்து,தனது குடும்பத்தை வளர்த்து,வெறும் அல்லது குறைந்த பட்சம் "Perception creation" செய்தாவது இம்முறை ஆட்சிப்பீடத்தில் அமரத்துடிக்கும் கருணாநிதியின் இறுதி ஆசை நிறைவேற எல்லாம் வல்ல பெரியாரை வேண்டித்தீர்ப்போம்


Wednesday, May 20, 2009

ஈழத்திற்கு துடிக்கும் அனைவருக்கும்....

உலகத்தில் வேறெந்த தேசத்தில் புலம் பெயர்ந்து இருக்கும் ஈழ தமிழர்கள் ஓரளவிற்கேனும் நல்ல நிலையில் இருக்க, அந்த தேசத்தின் குடியுரிமை பெற்று,அந்த தேசத்து மக்களுக்கு உண்டான அனைத்து வகையான உரிமைகளையும்,உடமைகளையும் பெற்று இருக்கின்றனர்.

இந்த நிலையில் நமது தமிழகத்தில் (இந்தியாவில்)புலம் பெயர்ந்தவர்கள் மட்டும் இன்னும் அகதிகளாக மூன்றாம் நாலாந்திர குடிமக்களாய்,எந்த வித உரிமைகளும் இன்றி,மிக கொடுமையானதொரு சொல்லலில் இருக்கும் மர்மம் என்ன????

உலகம் முழுக்க, வெள்ளையர்கள் தேசங்களில் கூட, புலம் பெயர்ந்த தமிழனின் போராட்டங்கள் உச்சத்தை அடைந்து கொண்டிருக்கும் நிலையில், தமிழக புலம் பெயர்ந்தோர் மட்டும் எப்படி ஒரு ஆதிக்க சுவர்களுக்குள் அடைக்கப்பட்டு, தான் அழுவது தனக்கே கூட கேக்க கூடாது என்பது போல மௌன துக்கம் அனுஷ்டிக்கும் ஈழ அகதியின் நிலை நம்மில் யாருக்கேனும் தெரிந்து இருக்க வாய்ப்பு உள்ளதா???

ஈழத்தை பற்றி அரற்றி,துன்பித்து, சோகம் காட்டி, கதறி அழத் துடித்து, இந்திய வல்லாதிக்கத்தின் மீதும், அரசியல் வாதிகளின் மீதும் கடும்கோபம் கொண்டுள்ள நாம்............

இவ்வளவு பெரிய ஒரு சோகம் நமது நாட்டிற்குள்ளே நடந்து கொண்டு இருக்க்ம்பொழுது, ஈழம் குறித்த நமது கரிசனம் மீதே எனக்கு ஐயம் ஏற்ப்படுகிறது.

நண்பர்களே போராளிகள் என்பது ஒரு சாரார்!!!!

அவர்களுக்கு ஆதரவளிப்போ என்பது ஒரு சாரார்!!!!

ஆனால் இதை எல்லாம் கடந்து இன்னொரு பரிதாபத்திற்குரிய ஒரு சாரார் இருக்கின்றனர். அவர்கள் தான், நமது தேசத்தில் வந்து நம்மையே கதி என்று தஞ்சம் என்று நம்பி வந்த நம் உறவுகள்.அவர்களை பற்றி சற்றேனும் ,என்றேனும் கவலை பட்டு இருக்கின்றோமா?????

குறைந்த பட்சம் அவர்களுக்கு உணவு உடை,வீடு மற்றும் உரிமை வாங்கி தருவது நமது கடமை அல்லவா???

ஏதிலியாய் இருக்கும் என்னவனின் குழந்தைகளுக்கு கல்வி வழங்குவதும் உளவியல் ரீதியான பிரச்சனையில் சிக்குண்டு இருக்கும் அவனை சிக்கலில் இருந்து சீர் படுத்த வேண்டாமா?????

எமது சொந்தத்துக்கு உதவி செய்ய துடிக்கும் எம்மை எவர் எதிர்ப்பார் என்று சினங்கொள்ள வேண்டாமா???

அவர்களுக்கு நமது நாட்டு குடிஉரிமை வாங்கி தருவது நம்மை போல சகல உரிமையும் வாங்கி தருவது நமது கடமை அல்லவா???

நமது உறவான ஈழ தமிழனுக்கு,நாமே சம உரிமை கொடுக்காத பொழுது சிங்களவனிடம் எதிர்ப்பார்ப்பது போலி தனம் இல்லையா???????

போலி தனத்தை விட கடைந்தெடுத்த அயோக்கியத்தனம் இல்லையா????????

ஈழப்போரின் அஹிம்சாவாதிகளுக்கு................

அரசியல் ரீதியான முன்னெடுப்பை இலங்கை அரசோடும்,இந்திய அரசோடும்,உலக வர்த்தக நாடுகளோடும் மற்றும் இலங்கையில் வர்த்தகம் புரிய வெறியுடன் இருக்கும் பண முதலைகளுடனும் யார் பேச முடியும்?????

இது வெறும் தமிழர்கள் மற்றும் சிங்களர்கள் பிரச்சனை அன்று அது எப்பொழுதோ முடிந்து விட்டது!!!!

இலங்கை எனும், வர்த்தக வசீகரமுள்ள, ஒரு குட்டி தீவை தமதாக்கி கொள்ள துடிக்கும் உலக நாடுகளுக்கும், தன்னுடைய வீடு வேண்டும் எனும் உரிமை குரலிட்ட ஒரு சிறு,ஒடுக்கப்பட்ட, குறு இனத்தின் சுதந்திர தாகத்திற்கும் இடையேயான போராட்டம். போர்,

இவை எல்லாம் அறிந்து தான் பிரபகாரன் எனும் ஒரு தலைவன் முன்னேப்போதுமில்லாமல் வீறு கொண்டு எழுந்து படை அமைத்து சமர் புரிந்தான்.

அவனுக்கு தெரியும் சிங்களனை கொரில்லாக்களாக இருந்து அல்ல, சிறு போராட்ட குழுவாக இருந்தே கூட அடித்து விரட்டலாம் என்று.

எப்பொழுது இது உலக வர்த்தகத்தின் பிரச்சனையாக மாறியதோ அப்பொழுதே அவனுக்கு தெரிந்து விட்டது இதை போர்ப்படை கொண்டு தான் அணுகவேண்டும் என்று.........

இதுவே முடியாது எனும்போது, அல்லது கசப்பான முடிவுக்கு வந்து விட்டது எனும்பொழுது, இனி உலக வர்த்தகர்கள் தூக்கி எரியும் நல உதவிகளும்,பிச்சை பணமும்,உணவு பொட்டலமும் தான் ஈழ தமிழனுக்கு மிச்சம்.

ஈழமா தரப்போகிறார்கள்.....?????

கதறி அழக்கூட திராணி இல்லாதவர்களா இனி இந்த கொடுங்கோலர்களிடம் கொடி எழுப்ப போகிறார்கள்??????

சரி சமமாக நின்று சமர் புரிந்தே கிடைக்காத ஈழம் இனி பிச்சை கேட்ட கிடைக்க போகிறது???????

அப்படி ஒரு எண்ணம் இருந்தால் இது கடல் கரை அருகில் கட்டிய மணல் கோட்டை தான் நண்பர்களே..........

ஈழ தமிழன் சோறு கிடைத்தால் போதும் என்பான்!!!!

புலம் பெயர்ந்தவன் இனி அந்த அந்த நாட்டு பிரஜையாக மாறி தன இன அடையாளத்தை தொலைத்து விடுவான்.

தமிழக தமிழன் பிளாஸ்மா டிவி கிடைக்குமா என்று பேரம் பேசி மகிழ்வான்.

அடுத்த கட்ட நடவடிக்கை என்று போவதற்குள் ஈழத்தில் இன்று,. நேற்று, நாளை நடக்கும் கொடுமைகளை நாம் கண்காணிப்பாக பார்த்து உலகம் அறிய செய்தாலே மிக புண்ணியமாக போகும்.

ஏனெனில் ஐ நா மற்றும் உலக நாடுகளின் பிரதிநிதிகள் வருவதற்கு முன் இந்திய வல்லுறவு!!! அமைச்சகத்தில் இருந்து இலங்கை சென்றவர்களும் இன்ன பிற இலங்கை அரசாங்கமும் புலிகளை கொன்று விட்டோம் போர் முடிந்து விட்டது என்று சொன்ன பின்னும் இன்னும் கொன்று குவிக்கும் கொடுமையை குறைக்க சொன்னாலே போதும்.

புலிகள் ஒழிந்தால் தான் மக்களுக்கு நல்லது பிறக்கும் என்று முன்பு கதறிய அனைத்து அதி மேதாவிகளும்,ஈழத்தின் அஹிம்சாவதிகளும், அறிவு ஜீவிகளும்................

தாங்கள் நம்பும் ஹிந்து மற்றும் தினமலர் பத்திரிக்கையின் வாயிலாகவும்,

சோ மற்றும் சுப்ரமணியசாமி வாயிலாகவும்,

ராஜிவ் காந்தியின் ஆன்மா மற்றும் அவரின் குடும்பத்தார் மூலமாகவும் தமிழீழ மக்களுக்கு ஏதேனும் வகையில் நன்மை செய்தார்களானால் அவர்கள் மனிதர்கள் என்று நம்புவோம்.

ஏனெனில் விடுதலை புலிகளும் அதன் தலைமையும் தான் உங்களுக்கு உறுத்திய இரண்டு விஷயம்!!!!

இவை இரண்டுமே இல்லை என்று இன்று இந்திய இலங்கை கூட்டுஸ்தாபனம் அறிவித்து விட்டது.

எனவே ,அஹிம்சாவதிகளே!!!!!
அறிவானவர்களே!!!!!!
புலி எதிர்ப்பாளர்களே!!!!
தமிழீழ காவலர்களே செய்வீர்களா?????

ஈழம் வேண்டும் அனைவருக்கும்.........

தலைவரின் மரண செய்தியை அவை எப்பொழுது புகைப்படமும் வீடியோவும் வந்தனவோ அப்பொழுது சுத்தமாக நம்பவில்லை.

தலைவரை பற்றி நிறைய படித்ததின் மூலமும் அவரின் லட்சிய வேட்கையை அறிந்த பின்பும் அவர் ஒரு master strategist என்பதை அறிந்த பிறகு, அவர் மரணித்திருக்க வாய்ப்பு இல்லை என்பதே எனது அனுமானம்.

இது நடப்பதற்கு முன்னரே இப்படி தான் முடியும் என்று நினைத்தேன்........

ஆனாலும் என்னை போல தலைவரும் சிந்தித்து இருப்பார் என்று கருத தகுதி இல்லை என்பதால் அப்படியே விட்டு விட்டேன்.

உலகமும், சில நச்சுக்களும், பிரபகாரனால் தான் இவ்வளவு பிரச்சனை என்று பரப்புரை செய்து வருவதாலும்,இந்தியாவின் இத்தனை பெரிய ஆயுத மற்றும் பண உதவியை எதிர்பார்த்திராத காரணத்தினாலும் தலைவருக்கு இருந்த ஒரே நம்பிக்கை புலம் பெயர்ந்தவர்களின் உலகளாவிய போராட்டம்.

எனவே எனது அனுமானப்படி தலைவர் இறுதி நாட்களில் ஈழத்தில் இருந்து இருக்க முடியாது என்பதே யூகம்.

ஏனெனில் தான் அழிந்து விட்டதாக இலங்கையும் உலகும் முக்கியமாக இந்தியாவும் நம்பினால் அது ஒரு வேலை அரசியல் ரீதியான தீர்விற்கு முன்னெடுப்பாக இருக்கலாம் என்று நினைத்து இருக்கலாம்.

அது தவிர 30 ஆண்டுகள் தான் போராட்டம் என்று முதலிலே தலைவர் முடிவு எடுத்து இருப்பார் என்றும் யூகிக்கிறேன் அவரது அந்த strategy படி தான் தமது கொடியிலும் முப்பது மூன்று தோட்டாக்கள் வைத்து இருக்கலாம்.இந்த முப்பது மூன்று ஆண்டுகள் கழித்து, ஒன்று ஈழம் கிடைக்கும், ஆயுத போராட்டம் மூலம்...... அல்லது அதற்க்கு பிறகு ஆயுதம் தூக்கி பயனில்லை அரசியல் ரீதியான தீர்வு தான் என்று முன்பே முடிவெடுத்து இருக்கலாம்.

எனவே தனது திட்டப்படி ஆயுதபோராட்டத்தை நிறைவு செய்தாலும், தன்னை மிக தீவிரமாக தேடி வரும் இந்திய வல்லாதிக்கம் மற்றும் இலங்கை அரசின் முன், தான் மரணிப்பது தான் கோபத்தையும் வன் சினத்தையும் குறைக்கும், தவிர்த்து, நடுநிலையாளர்கள் என்று தம்மை கூறி கொள்பவர்கள், பிரபாகரன் போன பிறகு ஈழம் என்ன ஆகும்??? ஈழ தமிழர்கள் கதி என்ன?? என்று யோசிப்பார்கள் என்றும் தலைவர் யோசித்து இருக்கலாம்.

எனவே இந்த அத்தனையும் கருத்தில் கொண்டு பார்த்தால் தலைவர் தன்னை அழித்து கொள்வது போல ஒரு காட்சியை சித்தரித்து இன்று உலகம் முன்னும், இந்தியா முன்னும், ஈழ தமிழர்கள் முன்னும், புலம் பெயர்ந்த தமிழர்கள் முன்னும், ஒரு மிகபெரிய கேள்வி எழ வைத்து இருக்கிறார். அது .....

இனி அடுத்து என்ன?????

இது மிகப்பெரிய கேள்வி,மற்றும் மிகப்பெரிய பொறுப்பு யார் சுமப்பார்கள்.?????

எனவே இந்த கேள்விக்கு அடுத்த ஓரிரு வருடத்திற்குள் பதில் கிடைத்து விடும்.

அது வரை தலைவர் பத்திரமாக தமது அடுத்த திட்டத்திற்கான செயல் வடிவங்களில் இறங்கி இருப்பார் என்பது தான் எனது யூகம்.

உலகத்தால் முடிக்க முடியாத போரை தானே முடித்து வைத்தார் தலைவர்.

ஆனால் போருக்கு பின்னர் நிகழப்போகும் விளைவுகளின் மூலம் தான் தலைவரின் 'சுய இருப்பு " அறிவிப்பதாக இருக்கும் என்பது எனது யூகம்.

எனவே நாம் நமது தலைவரின் வழியில் போராட்டங்களை இன்னும் தனி ஈழம் என்பதை எப்படியாவது நிர்ணயிக்க வேண்டும்